My Twitter Feed

June 23, 2024

NOTICIAS FLASH:

Saturraran. Aske izaten irakatsi zigun belaunaldi galduari omenaldia.

Saturraran

Ekainaren 20 eta 22an, denboraldiko proiekturik nagusienetariko bat helduko da, ‘Saturraran’ izeneko operaren estreinaldia. Juan Carlos Pérezek konposatua, Kirmen Uriberen euskarazko libretoa du. Saturraran elkar maitatu ezin duten bi emakumeren istorioa da. 80ko hamarkadan, Ane, itsas zabaleko arrantzale baten alaba, eta Luna, furgoneta batean iritsitako andaluziarra. Ezberdina dena onartzeko zailtasuna, heroinaren erasoa, arrantza munduaren gainbehera… dira Saturraran-en agertzen diren gaietako batzuk, aske izaten irakatsi zigun belaunaldi galduari omenaldia. Lucía Astigarraga zuzendari artistikoarekin egin dugu berba, lan honen xehetasunak hobeto ezagutzeko.

Zeintzuk izango litzateke Saturraran bezalako opera bat gauzatzeko egin beharreko erronkarik handiena? Sortu berria den opera bat da, eta horrek esan nahi du ez dudala musikaren grabaziorik edo erreferentzia estetikorik. Horrek ezohiko askatasuna ematen dit, baina hutsunerako jauzia ere esan nahi du. Gaur egun gure irudimenean eta paperean bakarrik existitzen den zerbait da. Ideia gorpuztea eta taldea norabide argi eta koherente batean gidatzea da, zalantzarik gabe, lan honen erronka handia.

Zer izan zen proiektu honen zuzendaritza onartzeko konbentzitu zizun ezaugarririk nagusiena? Hiru arrazoirengatik ez nuen dudarik izan: lehenengoa Juan Carlos Pérez eta Kirmen Uriberen materialetan oinarrituta zegoela jakitea, kalitate artistikoaren bermea baita. Bigarrenik, Arriagan estreinatuko zela jakiteak, horrek dakarren kalitate teknikoaren bermearekin, eta azkenik gaiak: itsasoa, 80. hamarkada, Saturraran… libretoak hunkitu ninduen!

Nola definitzen duzu zuzendari eszenikoaren papera ekoizpen liriko batean? Uste dut talde osoa inspiratu eta zaindu behar duzula, ekoizpen liriko batean izugarria dena. Garrantzitsua da sormen-ingurune bat sortzea, espazio seguru bat, kantariak erabat libre senti daitezen beldurrik gabe bilatzeko eta probatzeko. Gero, zereginak eta lehentasunak ondo antolatu behar dituzu.

Zer harrera izatea espero duzu ikusleengan ‘Saturraran’ opera? Oso hurbilak gerta daitezkeen gaiak jorratzen dira antzezlanean. Ikusleak istorioan murgiltzea eta errealitateari denbora batez ihes egitea espero dut. Aurki dezatela nolabaiteko edertasuna eta antzerkia eta musika apur bat gehiago maita dezatela. David Tijeroren textua.

Deja un comentario